SITE OF SRI AUROBINDO & THE MOTHER
      
Home Page |Rig Veda

Rig Veda

SANSKRIT Text & Audio

MAṆḌALA 1

Sūkta 154

 

1. Info

To:    viṣṇu
From:   dīrghatamas aucathya
Metres:   1st set of styles: nicṛttriṣṭup (3, 4, 6); virāṭtrisṭup (1, 2); triṣṭup (5)

2nd set of styles: triṣṭubh
 

 

2. Audio

 

by South Indian brahmins

 

by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012)

 
 

 

3. Preferences

 
 

Show these variants of riks numbering:

 
   

Mandala. Sukta. Rik

 
   

Ashtaka. Adhyaya. Varga. Rik

 
   

Mandala. Anuvāka. Rik

 
 

Show these variants of main text:

 
   

Samhita

 

Devanagari

 

Accent

 
   

Samhita

 

Devanagari

 

Without accent

 
   

Samhita

 

Transcription

 

Accent

 
   

Samhita

 

Transcription

 

Without accent

 
   

Padapatha

 

Devanagari

 

Accent

 
   

Padapatha

 

Devanagari

 

Without accent

 
   

Padapatha

 

Transcription

 

Accent

 
   

Padapatha

 

Transcription

 

Without accent

 
 

 

4. Text

01.154.01   (Mandala. Sukta. Rik)

2.2.24.01    (Ashtaka. Adhyaya. Varga. Rik)

1.21.103   (Mandala. Anuvāka. Rik)

Samhita Devanagari Accented

विष्णो॒र्नु कं॑ वी॒र्या॑णि॒ प्र वो॑चं॒ यः पार्थि॑वानि विम॒मे रजां॑सि ।

यो अस्क॑भाय॒दुत्त॑रं स॒धस्थं॑ विचक्रमा॒णस्त्रे॒धोरु॑गा॒यः ॥

Samhita Devanagari Nonaccented

विष्णोर्नु कं वीर्याणि प्र वोचं यः पार्थिवानि विममे रजांसि ।

यो अस्कभायदुत्तरं सधस्थं विचक्रमाणस्त्रेधोरुगायः ॥

Samhita Transcription Accented

víṣṇornú kam vīryā́ṇi prá vocam yáḥ pā́rthivāni vimamé rájāṃsi ǀ

yó áskabhāyadúttaram sadhástham vicakramāṇástredhórugāyáḥ ǁ

Samhita Transcription Nonaccented

viṣṇornu kam vīryāṇi pra vocam yaḥ pārthivāni vimame rajāṃsi ǀ

yo askabhāyaduttaram sadhastham vicakramāṇastredhorugāyaḥ ǁ

Padapatha Devanagari Accented

विष्णोः॑ । नु । क॒म् । वी॒र्या॑णि । प्र । वो॒च॒म् । यः । पार्थि॑वानि । वि॒ऽम॒मे । रजां॑सि ।

यः । अस्क॑भायत् । उत्ऽत॑रम् । स॒धऽस्थ॑म् । वि॒ऽच॒क्र॒मा॒णः । त्रे॒धा । उ॒रु॒ऽगा॒यः ॥

Padapatha Devanagari Nonaccented

विष्णोः । नु । कम् । वीर्याणि । प्र । वोचम् । यः । पार्थिवानि । विऽममे । रजांसि ।

यः । अस्कभायत् । उत्ऽतरम् । सधऽस्थम् । विऽचक्रमाणः । त्रेधा । उरुऽगायः ॥

Padapatha Transcription Accented

víṣṇoḥ ǀ nú ǀ kam ǀ vīryā́ṇi ǀ prá ǀ vocam ǀ yáḥ ǀ pā́rthivāni ǀ vi-mamé ǀ rájāṃsi ǀ

yáḥ ǀ áskabhāyat ǀ út-taram ǀ sadhá-stham ǀ vi-cakramāṇáḥ ǀ tredhā́ ǀ uru-gāyáḥ ǁ

Padapatha Transcription Nonaccented

viṣṇoḥ ǀ nu ǀ kam ǀ vīryāṇi ǀ pra ǀ vocam ǀ yaḥ ǀ pārthivāni ǀ vi-mame ǀ rajāṃsi ǀ

yaḥ ǀ askabhāyat ǀ ut-taram ǀ sadha-stham ǀ vi-cakramāṇaḥ ǀ tredhā ǀ uru-gāyaḥ ǁ

01.154.02   (Mandala. Sukta. Rik)

2.2.24.02    (Ashtaka. Adhyaya. Varga. Rik)

1.21.104   (Mandala. Anuvāka. Rik)

Samhita Devanagari Accented

प्र तद्विष्णुः॑ स्तवते वी॒र्ये॑ण मृ॒गो न भी॒मः कु॑च॒रो गि॑रि॒ष्ठाः ।

यस्यो॒रुषु॑ त्रि॒षु वि॒क्रम॑णेष्वधिक्षि॒यंति॒ भुव॑नानि॒ विश्वा॑ ॥

Samhita Devanagari Nonaccented

प्र तद्विष्णुः स्तवते वीर्येण मृगो न भीमः कुचरो गिरिष्ठाः ।

यस्योरुषु त्रिषु विक्रमणेष्वधिक्षियंति भुवनानि विश्वा ॥

Samhita Transcription Accented

prá tádvíṣṇuḥ stavate vīryéṇa mṛgó ná bhīmáḥ kucaró giriṣṭhā́ḥ ǀ

yásyorúṣu triṣú vikrámaṇeṣvadhikṣiyánti bhúvanāni víśvā ǁ

Samhita Transcription Nonaccented

pra tadviṣṇuḥ stavate vīryeṇa mṛgo na bhīmaḥ kucaro giriṣṭhāḥ ǀ

yasyoruṣu triṣu vikramaṇeṣvadhikṣiyanti bhuvanāni viśvā ǁ

Padapatha Devanagari Accented

प्र । तत् । विष्णुः॑ । स्त॒व॒ते॒ । वी॒र्ये॑ण । मृ॒गः । न । भी॒मः । कु॒च॒रः । गि॒रि॒ऽस्थाः ।

यस्य॑ । उ॒रुषु॑ । त्रि॒षु । वि॒ऽक्रम॑णेषु । अ॒धि॒ऽक्षि॒यन्ति॑ । भुव॑नानि । विश्वा॑ ॥

Padapatha Devanagari Nonaccented

प्र । तत् । विष्णुः । स्तवते । वीर्येण । मृगः । न । भीमः । कुचरः । गिरिऽस्थाः ।

यस्य । उरुषु । त्रिषु । विऽक्रमणेषु । अधिऽक्षियन्ति । भुवनानि । विश्वा ॥

Padapatha Transcription Accented

prá ǀ tát ǀ víṣṇuḥ ǀ stavate ǀ vīryéṇa ǀ mṛgáḥ ǀ ná ǀ bhīmáḥ ǀ kucaráḥ ǀ giri-sthā́ḥ ǀ

yásya ǀ urúṣu ǀ triṣú ǀ vi-krámaṇeṣu ǀ adhi-kṣiyánti ǀ bhúvanāni ǀ víśvā ǁ

Padapatha Transcription Nonaccented

pra ǀ tat ǀ viṣṇuḥ ǀ stavate ǀ vīryeṇa ǀ mṛgaḥ ǀ na ǀ bhīmaḥ ǀ kucaraḥ ǀ giri-sthāḥ ǀ

yasya ǀ uruṣu ǀ triṣu ǀ vi-kramaṇeṣu ǀ adhi-kṣiyanti ǀ bhuvanāni ǀ viśvā ǁ

01.154.03   (Mandala. Sukta. Rik)

2.2.24.03    (Ashtaka. Adhyaya. Varga. Rik)

1.21.105   (Mandala. Anuvāka. Rik)

Samhita Devanagari Accented

प्र विष्ण॑वे शू॒षमे॑तु॒ मन्म॑ गिरि॒क्षित॑ उरुगा॒याय॒ वृष्णे॑ ।

य इ॒दं दी॒र्घं प्रय॑तं स॒धस्थ॒मेको॑ विम॒मे त्रि॒भिरित्प॒देभिः॑ ॥

Samhita Devanagari Nonaccented

प्र विष्णवे शूषमेतु मन्म गिरिक्षित उरुगायाय वृष्णे ।

य इदं दीर्घं प्रयतं सधस्थमेको विममे त्रिभिरित्पदेभिः ॥

Samhita Transcription Accented

prá víṣṇave śūṣámetu mánma girikṣíta urugāyā́ya vṛ́ṣṇe ǀ

yá idám dīrghám práyatam sadhásthaméko vimamé tribhírítpadébhiḥ ǁ

Samhita Transcription Nonaccented

pra viṣṇave śūṣametu manma girikṣita urugāyāya vṛṣṇe ǀ

ya idam dīrgham prayatam sadhasthameko vimame tribhiritpadebhiḥ ǁ

Padapatha Devanagari Accented

प्र । विष्ण॑वे । शू॒षम् । ए॒तु॒ । मन्म॑ । गि॒रि॒ऽक्षिते॑ । उ॒रु॒ऽगा॒याय॑ । वृष्णे॑ ।

यः । इ॒दम् । दी॒र्घम् । प्रऽय॑तम् । स॒धऽस्थ॑म् । एकः॑ । वि॒ऽम॒मे । त्रि॒ऽभिः । इत् । प॒देभिः॑ ॥

Padapatha Devanagari Nonaccented

प्र । विष्णवे । शूषम् । एतु । मन्म । गिरिऽक्षिते । उरुऽगायाय । वृष्णे ।

यः । इदम् । दीर्घम् । प्रऽयतम् । सधऽस्थम् । एकः । विऽममे । त्रिऽभिः । इत् । पदेभिः ॥

Padapatha Transcription Accented

prá ǀ víṣṇave ǀ śūṣám ǀ etu ǀ mánma ǀ giri-kṣíte ǀ uru-gāyā́ya ǀ vṛ́ṣṇe ǀ

yáḥ ǀ idám ǀ dīrghám ǀ prá-yatam ǀ sadhá-stham ǀ ékaḥ ǀ vi-mamé ǀ tri-bhíḥ ǀ ít ǀ padébhiḥ ǁ

Padapatha Transcription Nonaccented

pra ǀ viṣṇave ǀ śūṣam ǀ etu ǀ manma ǀ giri-kṣite ǀ uru-gāyāya ǀ vṛṣṇe ǀ

yaḥ ǀ idam ǀ dīrgham ǀ pra-yatam ǀ sadha-stham ǀ ekaḥ ǀ vi-mame ǀ tri-bhiḥ ǀ it ǀ padebhiḥ ǁ

01.154.04   (Mandala. Sukta. Rik)

2.2.24.04    (Ashtaka. Adhyaya. Varga. Rik)

1.21.106   (Mandala. Anuvāka. Rik)

Samhita Devanagari Accented

यस्य॒ त्री पू॒र्णा मधु॑ना प॒दान्यक्षी॑यमाणा स्व॒धया॒ मदं॑ति ।

य उ॑ त्रि॒धातु॑ पृथि॒वीमु॒त द्यामेको॑ दा॒धार॒ भुव॑नानि॒ विश्वा॑ ॥

Samhita Devanagari Nonaccented

यस्य त्री पूर्णा मधुना पदान्यक्षीयमाणा स्वधया मदंति ।

य उ त्रिधातु पृथिवीमुत द्यामेको दाधार भुवनानि विश्वा ॥

Samhita Transcription Accented

yásya trī́ pūrṇā́ mádhunā padā́nyákṣīyamāṇā svadháyā mádanti ǀ

yá u tridhā́tu pṛthivī́mutá dyā́méko dādhā́ra bhúvanāni víśvā ǁ

Samhita Transcription Nonaccented

yasya trī pūrṇā madhunā padānyakṣīyamāṇā svadhayā madanti ǀ

ya u tridhātu pṛthivīmuta dyāmeko dādhāra bhuvanāni viśvā ǁ

Padapatha Devanagari Accented

यस्य॑ । त्री । पू॒र्णा । मधु॑ना । प॒दानि॑ । अक्षी॑यमाणा । स्व॒धया॑ । मद॑न्ति ।

यः । ऊं॒ इति॑ । त्रि॒ऽधातु॑ । पृ॒थि॒वीम् । उ॒त । द्याम् । एकः॑ । दा॒धार॑ । भुव॑नानि । विश्वा॑ ॥

Padapatha Devanagari Nonaccented

यस्य । त्री । पूर्णा । मधुना । पदानि । अक्षीयमाणा । स्वधया । मदन्ति ।

यः । ऊं इति । त्रिऽधातु । पृथिवीम् । उत । द्याम् । एकः । दाधार । भुवनानि । विश्वा ॥

Padapatha Transcription Accented

yásya ǀ trī́ ǀ pūrṇā́ ǀ mádhunā ǀ padā́ni ǀ ákṣīyamāṇā ǀ svadháyā ǀ mádanti ǀ

yáḥ ǀ ūṃ íti ǀ tri-dhā́tu ǀ pṛthivī́m ǀ utá ǀ dyā́m ǀ ékaḥ ǀ dādhā́ra ǀ bhúvanāni ǀ víśvā ǁ

Padapatha Transcription Nonaccented

yasya ǀ trī ǀ pūrṇā ǀ madhunā ǀ padāni ǀ akṣīyamāṇā ǀ svadhayā ǀ madanti ǀ

yaḥ ǀ ūṃ iti ǀ tri-dhātu ǀ pṛthivīm ǀ uta ǀ dyām ǀ ekaḥ ǀ dādhāra ǀ bhuvanāni ǀ viśvā ǁ

01.154.05   (Mandala. Sukta. Rik)

2.2.24.05    (Ashtaka. Adhyaya. Varga. Rik)

1.21.107   (Mandala. Anuvāka. Rik)

Samhita Devanagari Accented

तद॑स्य प्रि॒यम॒भि पाथो॑ अश्यां॒ नरो॒ यत्र॑ देव॒यवो॒ मदं॑ति ।

उ॒रु॒क्र॒मस्य॒ स हि बंधु॑रि॒त्था विष्णोः॑ प॒दे प॑र॒मे मध्व॒ उत्सः॑ ॥

Samhita Devanagari Nonaccented

तदस्य प्रियमभि पाथो अश्यां नरो यत्र देवयवो मदंति ।

उरुक्रमस्य स हि बंधुरित्था विष्णोः पदे परमे मध्व उत्सः ॥

Samhita Transcription Accented

tádasya priyámabhí pā́tho aśyām náro yátra devayávo mádanti ǀ

urukramásya sá hí bándhuritthā́ víṣṇoḥ padé paramé mádhva útsaḥ ǁ

Samhita Transcription Nonaccented

tadasya priyamabhi pātho aśyām naro yatra devayavo madanti ǀ

urukramasya sa hi bandhuritthā viṣṇoḥ pade parame madhva utsaḥ ǁ

Padapatha Devanagari Accented

तत् । अ॒स्य॒ । प्रि॒यम् । अ॒भि । पाथः॑ । अ॒श्या॒म् । नरः॑ । यत्र॑ । दे॒व॒ऽयवः॑ । मद॑न्ति ।

उ॒रु॒ऽक्र॒मस्य॑ । सः । हि । बन्धुः॑ । इ॒त्था । विष्णोः॑ । प॒दे । प॒र॒मे । मध्वः॑ । उत्सः॑ ॥

Padapatha Devanagari Nonaccented

तत् । अस्य । प्रियम् । अभि । पाथः । अश्याम् । नरः । यत्र । देवऽयवः । मदन्ति ।

उरुऽक्रमस्य । सः । हि । बन्धुः । इत्था । विष्णोः । पदे । परमे । मध्वः । उत्सः ॥

Padapatha Transcription Accented

tát ǀ asya ǀ priyám ǀ abhí ǀ pā́thaḥ ǀ aśyām ǀ náraḥ ǀ yátra ǀ deva-yávaḥ ǀ mádanti ǀ

uru-kramásya ǀ sáḥ ǀ hí ǀ bándhuḥ ǀ itthā́ ǀ víṣṇoḥ ǀ padé ǀ paramé ǀ mádhvaḥ ǀ útsaḥ ǁ

Padapatha Transcription Nonaccented

tat ǀ asya ǀ priyam ǀ abhi ǀ pāthaḥ ǀ aśyām ǀ naraḥ ǀ yatra ǀ deva-yavaḥ ǀ madanti ǀ

uru-kramasya ǀ saḥ ǀ hi ǀ bandhuḥ ǀ itthā ǀ viṣṇoḥ ǀ pade ǀ parame ǀ madhvaḥ ǀ utsaḥ ǁ

01.154.06   (Mandala. Sukta. Rik)

2.2.24.06    (Ashtaka. Adhyaya. Varga. Rik)

1.21.108   (Mandala. Anuvāka. Rik)

Samhita Devanagari Accented

ता वां॒ वास्तू॑न्युश्मसि॒ गम॑ध्यै॒ यत्र॒ गावो॒ भूरि॑शृंगा अ॒यासः॑ ।

अत्राह॒ तदु॑रुगा॒यस्य॒ वृष्णः॑ पर॒मं प॒दमव॑ भाति॒ भूरि॑ ॥

Samhita Devanagari Nonaccented

ता वां वास्तून्युश्मसि गमध्यै यत्र गावो भूरिशृंगा अयासः ।

अत्राह तदुरुगायस्य वृष्णः परमं पदमव भाति भूरि ॥

Samhita Transcription Accented

tā́ vām vā́stūnyuśmasi gámadhyai yátra gā́vo bhū́riśṛṅgā ayā́saḥ ǀ

átrā́ha tádurugāyásya vṛ́ṣṇaḥ paramám padámáva bhāti bhū́ri ǁ

Samhita Transcription Nonaccented

tā vām vāstūnyuśmasi gamadhyai yatra gāvo bhūriśṛṅgā ayāsaḥ ǀ

atrāha tadurugāyasya vṛṣṇaḥ paramam padamava bhāti bhūri ǁ

Padapatha Devanagari Accented

ता । वा॒म् । वास्तू॑नि । उ॒श्म॒सि॒ । गम॑ध्यै । यत्र॑ । गावः॑ । भूरि॑ऽशृङ्गाः । अ॒यासः॑ ।

अत्र॑ । अह॑ । तत् । उ॒रु॒ऽगा॒यस्य॑ । वृष्णः॑ । प॒र॒मम् । प॒दम् । अव॑ । भा॒ति॒ । भूरि॑ ॥

Padapatha Devanagari Nonaccented

ता । वाम् । वास्तूनि । उश्मसि । गमध्यै । यत्र । गावः । भूरिऽशृङ्गाः । अयासः ।

अत्र । अह । तत् । उरुऽगायस्य । वृष्णः । परमम् । पदम् । अव । भाति । भूरि ॥

Padapatha Transcription Accented

tā́ ǀ vām ǀ vā́stūni ǀ uśmasi ǀ gámadhyai ǀ yátra ǀ gā́vaḥ ǀ bhū́ri-śṛṅgāḥ ǀ ayā́saḥ ǀ

átra ǀ áha ǀ tát ǀ uru-gāyásya ǀ vṛ́ṣṇaḥ ǀ paramám ǀ padám ǀ áva ǀ bhāti ǀ bhū́ri ǁ

Padapatha Transcription Nonaccented

tā ǀ vām ǀ vāstūni ǀ uśmasi ǀ gamadhyai ǀ yatra ǀ gāvaḥ ǀ bhūri-śṛṅgāḥ ǀ ayāsaḥ ǀ

atra ǀ aha ǀ tat ǀ uru-gāyasya ǀ vṛṣṇaḥ ǀ paramam ǀ padam ǀ ava ǀ bhāti ǀ bhūri ǁ